IMIKINO

Gicumbi Fc na Etoile de l’Est nizo zizamutse mu cyiciro cya mbere

Mu mikino ibiri yabaye uyu munsi niyo imaze kugena amakipe abiri azamutse mu cyiciro cya mbere muri Primus National League ya 2021-22 izatangira tariki 30 Ukwakira, izi kipe zibigezeho nyuma yo gutsinda amakipe bari bahanganye ya Heroes na Amagaju.

Ikipe y’Amagaju asanzwe ari iyo mu karere ka Nyamagabe yari yerekeje kuri Stade ya Ngoma, ni umukino waranzwe n’ishyaka ku mpande zombi aho habonetsemo amakarita abiri atukura imwe kuri buri ruhande, Etoile de l’Est niyo yabanje gufungura amazamu ku munota wa 55 ariko ikipe y’Amagaju iza kwishyura icyo gitego kuri penaliti.

Umukino waje kurangira amakipe yombi anganyije 1-1 bituma berekeza muri penaliti biza kurangira Etoile ariyo ibashije gutsindira kuzamuka mu cyiciro cya mbere nyuma yo gutsinda penaliti 5-4, ikaba ibigezeho nyuma yo kumara imyaka isaga 24 iri mu cyiciro cya kabiri dore ko yaherukaga gukina mu cyiciro cya mbere mu mwaka w’1997.

Indi kipe yabashije kuzamuka ni Gicumbi Fc yo yari yakiriye ikipe ya Heroes Fc yo mu Bugesera ibasha kuyitsinda 2-1 byaje bisanga 1-0 yari yarayitsinze mu mukino ubanza wari warabereye kuri stade ya Bugesera, izi kipe zombi nizo zari zamanuwe mu mwaka wa 2019/2020 nubwo shampiyona itari yasojwe kubera icyorezo cya Covid-19.

Related Articles

Leave a Reply

Your email address will not be published.

Back to top button