AmakuruMU MAHANGAPOLITIKI

Gen. Kandiho Abel wa CMI na UPDF bagize icyo bavuga ku bihano yahawe

Leta Zunze Ubumwe za Amerika ejo kuwa 7 Ukuboza zafatiye ibihano by’ubukungu, Umusirikare mu ngabo za Museveni uzwi ku mazina ya Gen Maj Abel Kandiho, akaba anakuriye Urwego rushinzwe Ubutasi mu Gisirikare cya Uganda ruzwi nka CMI arashinjwa ibyaha byo guhonyora uburenganzira bwa muntu.

Igisirikare cya Uganda cyatangaje ko kibabajwe n’ibi bihano byahawe CMI Boss

Uyu musirikare Gen Maj Kandiho ni umwe mu bantu 15 bo mu bihugu bitatu bafatiwe ibihano na Leta Zunze Ubumwe za Amerika. Bivuze ko imitungo ye yose iri muri Amerika izafatirwa kandi Abanyamerika bakabuzwa gukorana nawe ubucuruzi ubwo aribwo bwose.

Amerika yatangaje ko Kandiho uyobora Urwego rw’Ubutasi rwa Uganda hamwe n’abandi bayobozi bafatanyije kuyobora uru rwego, bafunze kandi bagahohoterera abantu muri Uganda mu bikorwa bibabaza umubiri tutibagiwe n’abanyarwanda bagiye barohwa ku mipaka ihuza u Rwanda na Uganda ari intere.

CMI yashinjwe ko abantu ifata biba biturutse ku bwenegihugu bwabo, umurongo wabo wa politiki cyangwa se ko batavuga rumwe na Guverinoma ya Uganda urugero rutangwa ni abayoboke ba Bobi Wine

Abel Kandiho wambaye ibirokoroko yanagaragaye mu kivunge cy’abasirikare babaga bibasira abayoboke batari aba NRM, Ishyaka riri k’Ubutegetsi

Abo bantu bajyanwa mu nzu z’ibanga bagafungwa mu buryo budakurikije amategeko.

Iyo bafashwe barakubitwa bakanakorerwa ibindi bikorwa birimo n’ihohotera rishingiye ku gitsina abandi bagakubitishwa amashanyarazi ku buryo bibaviramo ubumuga n’urupfu.

Muri uko gufungwa, ntabwo ngo bemererwa kubonana n’inshuti, imiryango n’abanyamategeko.

Amerika iti “Rimwe na rimwe, Kandiho ubwe yabigizemo uruhare, ayobora amaperereza no ibazwa ry’abantu bafunzwe.”

Amerika ivuga ko Kandiho afatwa nk’umuntu w’umunyamahanga wakoze ibyaha bikomeye byo guhonyora uburenganzira bwa muntu.

Hari post yagaragaye y’Ikinyamakuru gikorera muri Uganda cya NTV bigaragara ko Gen. Kandiho yihohoraga agaragaza ko nta bikorwa by’ubucuruzi agirana na Amerika, ko ahubwo ari inyungu za Politike ahubwo bizatuma Amerika ibura Inshuti yitwa Uganda.

Igisirikare cya Uganda UPDF kuri Uyu wa kabiri cyavuze ko gikeneye ubusobaniro bw’imbitse kuri ibi bihano byahawe Kandiho Abel

Umuvugizi w’ingabo za Uganda, UPDF Brig Gen Flavia Byekwaso yavuze ko  Maj Gen  Kandiho atigeze abazwa na Leta zunze za Amerika  ngo abure ibisobanuro akomeza agira ati” Twebwe nka UPDF ndetse na Uganda muri rusange tubabajwe kandi dutunguwe n’Uyu mwanzuro

Ubusanzwe Amerika igenera inkunga Uganda ingana na  Miliyari y’amanyamerika yo gufasha inzego z’ubuzima ndetse n’umutekano.

Related Articles

Leave a Reply

Your email address will not be published.

Back to top button