IMIKINO

FIFA yamaze kwemerera Rafael Yorke gukinira u Rwanda

Ishyirahamwe ry’umupira w’amaguru ku isi FIF mu mpera ziki cyumweru ryamaze kwemerera Rafael Yorke gukinira u Rwanda nyuma yuko ibyangombwa byose nkenerwa yari yasabwe kugirango ahindurirwe ubwenegihugu yari afite mu bijyanye na ruhago.

Uyu musore usanzwe afite umubyeyi umwe w’umunyarwanda nundi ukomoka mu gihugu cya Angola yahisemo gukinira ikipe y’igihugu y’u Rwanda Amavubi ndetse biteganyijwe ko azifashishwa mu mukino ikipe y’igihugu izahuramo na Uganda cranes mu gushaka itike yo kujya mu gikombe cy’isi.

Raphael Yorke yari yarakiniye ikipe y’igihugu ya Sweden y’abatarengeje imyaka 19,16 na 15 nibyo byari byarabaye inzitizi zatumaga adahita aza ngo akinire Amavubi dore ko yari yahamagawe mu mikino ibiri iheruka ubwo u Rwanda rwakinaga mu majonjora y’igikombe cy’isi.

Yorke Rafael yakiniye amakipe y’abato yose ya Sweden

Yorke ufite imyaka 22 y’amavuko asanzwe akina mu ikipe ya AFC Eskilstuna yo mu cyiciro cya mbere muri Sweden aho ari umukinnyi unabanzamo yafashe umwanzuro wo gukinira u Rwanda ndetse yanafashe iyambere yandikira  Fifa kugirango ahindurirwe ubwenegihugu.

Amavubi afite imikino ibiri ikurikirana mu minsi itatu aho azabanza kwakira Uganda kuri stade ya Kigali tariki 7 Ukwakira ndetse nyuma y’iminsi itatu ahite yerekeza i Kampala kuri St Mary’s Kitende mu mukino wa 4

Related Articles

Leave a Reply

Your email address will not be published.

Back to top button