AmakuruMU MAHANGAPOLITIKI

Ese Umutekano w’Abanyarwanda bari i Goma ntiwaba ugeramiwe? Guverineri Habitegeko

Guverineri w’Intara y’Uburengerazuba, Bwana Habitegeko François, yatangarije abanyarwanda ko guverinoma ya Repubulika Iharanira Demokarasi ya Congo biri mu nshingano zayo kurinda abanyarwanda baba i Goma n’ibyabo byose.

Impungenge zikomeje kugaragara ku mbuga nkoranyambaga aho abaturage ba Kongo biganjemo urubyiruko bagaragaye basahura bikavugwa ko hibasirwa cyane inzu z’ubucuruzi zikoreramo abanyarwanda I Goma

Ni nyuma y’imyigaragambyo ikomeye yabaye kuri uyu wa Gatatu, aho abanye-Congo bigaragambirije ku mupaka wa Goma bagatera amabuye mu Rwanda barushinja gufasha M23.

Nkuko Ibinyamakuru nka Igihe na The New Times babitangaza bavuga ko; Guverineri Habitegeko yavuze ko ari inshingano z’ubuyobozi bwa RDC guharanira ko abaturage bari mu gihugu cyabo batekana n’ibyabo. Yakomeje avuga ko u Rwanda ruzakomeza gufungura umupaka, kandi ntawe ruzabuza kwinjira mu gihugu.

Ati “Ariko niba abayobozi ba RDC bahisemo kwanga ko abantu binjira mu gihugu cyabo, ibyo ni ibyabo si ibyacu”.

Habitegeko yavuze ko ibintu byifashe neza mu Ntara y’Iburengerazuba, asaba abaturage kudakuka umutima kuko inzego z’umutekano ziri maso.

Yasabye abanyarwanda kugira amakenga y’ubuzima bwabo by’umwihariko abambuka umupaka bajya i Goma, kuko ubuyobozi butabijeje umutekano igihe bambutse.

Ubuyobozi bwa RDC bushinja u Rwanda gufasha M23 ndetse ko rufitemo abasirikare, ariko Ingabo z’Umuryango w’Abibumbye ziri mu butumwa muri iki gihugu (Monusco) zemeje ko nta gihamya zifite ko u Rwanda rufite ingabo muri RDC.

Related Articles

Leave a Reply

Your email address will not be published.

Back to top button