UBUZIMA

Ese koko ibinyomoro byongera amaraso?

Ibinyomoro bizwi na none nka Tree Tomatoes mu ndimi z’amahanga ni urubuto rw’ingirakamaro kandi rwiza  rusanzwe ruryohera ariko rukagira na aside, kandi rubasha no kwera ahantu hose kuko igiti ibinyomoro byeraho bibasha kwihanganira buri hantu cyane cyane usanga benshi banabihinga mu busitani bwabo. 

Ibinyomoro bifite inkomoko muri Amerika y’Amajyepfo, ariko kuri ubu bisa nkaho byera ku isi hose dore ko no mu Rwanda bihera ariko kuri ubu muri mu gihugu cya Nouvelle Zelande niho byera cyane kurusha ahandi ku isi, ibinyomoro kandi bikaba biboneka mu mabara atandukanye arimo umutuku wijimye,umuhondo ndetse hari ibifite ibara rijya gusa na Zahabu.

Mu gisata cyacu cy’ubuzima dusanzwe tubagezaho inama zerekeraanye n’ubuzima reka kuri ubu tuvuge akamaro k’uru rubuto tunarebere hamwe niba ibiruvugwaho niba koko koko rwongera amaraso n’ibindi biruvugwaho.

Mu binyomoro dusangamo Vitamini A na Carotenes bisanzwe biboneka cuane ku binyomoro by’umuhondo mu gihe  iby’umutuku bibonekamo ikinyabutabire cyitwa Anthocyanin kurusha andi moko yose y’ibinyomoro, haarimo kandi Vitamin C na E hanagaragaramo Vitamin B zitandukanye nka B1,B2 na B6.

Hanarimo kandi Citric Acid imwe mujya mwumva isa nk’iryaryata ku muntu umaze kurya ikinyomoro dore ko nayo igaragara mu ndimu, hanarimo kandi Potasium.

Ibinyomoro bifite akahe kamaro ku buzima?: 

Ibinyomoro bikungahaye kuri Potasium cyane isanzwe izwiho kugabanya ibibazo bishobora guterwa n’umunyu mwinshi harimo gufasha umutima gutera neza no kugabanya umuvuduko ukabije w’amaraso ndetse no kuringaniza amatembabuzi aba mu tunyangingo (Cells), bituma ikinyomoro kiba urubuto rw’ingenzi mu kurwanya indwara z’umutima.

Ubushakashatsi kandi bwerekana ko ibinyomoro bifasha kurwanya indwara zitandukanye ndetse bunerekana kandi ko ibinyomoro bikize kuri Aside nyinshi zaba zifasha mu guhangana ndetse no kurwanya diyabete.

Ibinyomoro kandi ushobora kubikoramo umutobe aho ufite umwihariko mu gusukura umubiri ndetse no kubuza amavuta  mabi kuba yakwinjira mu mubiri akaba yakongera ibinure bivamo umuvuduko w’amaraso ushobora kuganisha ku kurwara umutima.

Wakwibaza uti ese ibinyomoro byongera amaraso?

Igisubizo cyihuse ni yego kuko mu ikorwa ry’amaraso hakenerwa ibintu byinshi cyane birimo na Vitamini A iyi vitamini rero iboneka mu binyomoroku bwinshi niyo mpamvu abantu bagira ikibazo cy’amaraso make bagirwa inama yo kurya ibinyomoro mu gihe bari gufata irindi funguro.

Nubwo kurya ikinyomoro bifite byinshi bifasha ariko hari nibyo umuntu aba agomba kwitondera mu gihe atangiye kukirya harimo kucyigirira isuku ukabanza kucyoza mu mazi meza ndetse kikaribwa hadashize igihe kinini gisaruwe kuko iyo kimaze iminsi irenze icyumweru gihita gitangira kurura bitewe na za aside zikigize, ku bijyanye n’abana umwana uri munsi y’amezi 8 ntago yemerewe kurya ikinyomoro kuko gishobora kumwangiza biba byiza iyo atangiye kugihabwa nyuma y’amezi 8.

Related Articles

Leave a Reply

Your email address will not be published.

Back to top button