AmakuruMU MAHANGAPOLITIKI

Emmanuel Macron yatorewe kuyobora Ubufaransa- Amateka ye

Kuri iki Cyumweru tariki 24 Mata 2022, nibwo hirya no hino Abafaransa baramukiye mu matora y’Umukuru w’Igihugu baraye bamenye ko Emmanuel Macron yongeye kubabera perezida.

Emmanuel Jean-Michel Frédéric Macron wahabwaga amahirwe menshi yongeye gutorerwa kuyobora igihugu cy’u Bufaransa ahigitse Marine Le Pen bari bahanganye, wari wiyamamaje ku nshuro ya gatatu.

Ibyavuye mu matora ya Perezida w’u Bufaransa by’agateganyo byatangajwe n’ibinyamakuru byaho mu ijoro ryo kuri iki Cyumweru, birerekana ko Emmanuel Macron ari we watsinze.

Macron yagize amajwi 58% n’aho Marine Le Pen bari bahanganye agira amajwi 42%. Ibinyamakuru biravuga ko abitabiriye itora ryo kuri uyu munsi bari ku gipimo cya 28%.

Macron w’imyaka 44 agiye kumara indi myaka itanu ayobora u Bufaransa.

Nyuma yo gutsindwa, Marine Le Pen w’imyaka 53 yabwiye abamushyigikiye ko urugamba rukomeje, kandi ko bageze ku musaruro w’amateka.

Yavukiye mu mujyi uherereye mu Majyaruguru y’u Bufaransa witwa Amien, ni muri 120 Km uvuye mu murwa mukuru Paris. Nyina yitwa Françoise Macron, Se akitwa Jean Michel Macron umudogiteri akaba n’umwarimu mu bijyanye n’imitsi muri kaminuza ya Picardy.

Macron yabaye umwe mu bayobozi b’ikinyamakuru cyandika cya Esprit. Macron afite kandi impamyabushobozi y’icyiciro cya kabiri mu bijyanye n’imibereho n’ubukungu rusange bw’ikiremwamuntu.

Yanditswe na Dushimimana Elias

Related Articles

Leave a Reply

Your email address will not be published.

Back to top button