IMIKINO

Djihad Bizimana yanduye Covid-19 ntazakina imikino u Rwanda ruzakina na Uganda

Umukinnyi mpuzamahanga w’umunyarwanda Bizimana Djihad ukinira ikipe ya  KMSK Deinze mu cyiciro cya kabiri mu bubiligi yamaze kwandura icyorezo cya Covid-19 mbere y’umukino ikipe ye yari gukina ku munsi w’ejo ku cyumweru aho banaje gutsindwa 2-1.

Djihad Bizimana yari yahamagawe n’umutoza Mashami Vincent usanzwe atoza ikipe y’igihugu mu mikino ibiri u Rwanda ruzahuramo na Uganda Cranes mu gushaka itike y’igikombe cy’isi cya 2022 kizabera muri Qatar,

Uyu musore wari umaze gusa nusubira ku murongo nyuma y’ibihe bikomeye yari yaraciyemo mu mwaka ushize w’imikino ubwo amasezerano ye yendaga kurangira muri Beveren dore ko icyo gihe no kubona umwanya wo kujya muri 18 byari byaratangiye kumubera imbogamizi.

Kuba Djihad Bizimana yaranduye Covid-19 ni icyuho gikomeye hagati mu kibuga ku ikipe y’u Rwanda dore ko mu mikino ibiri Amavubi amaze gukina yari yagaragaje kuzamura urwego cyane nubwo bitigeze bitanga umusaruro cyane dore ko Amavubi akiri ku mwanya wa nyuma.

U Rwanda ruzakira Uganda kuwa kane tariki 7 Ukwakira kuri stade ya Kigali nyuma y’iminsi itatu ruhite rwerekeza i Kampala mu mukino wo kwishyura.

Related Articles

Leave a Reply

Your email address will not be published.

Back to top button