CINEMA

Dj Zizou yinjiye muri cinema

Dj Zizou wamenyekanye nk’umwe mu bafasha abahanzi kuzamuka ndetse no guhuriza hamwe abahanzi bagezweho mu ndirimbo imwe yamaze kwinjira muri Cinema.

Uyu mugabo mu mpera z’icyumweru twaraye dushoje nibwo yashyize ahagaragara integuza (Trailer) ya filimi ye yitwa Kazitunga kuri Channel ye ya Youtube aho izaba yitwa Kazitunga ikaba iherekejwe n’umudiho nka soundtrack w’indirimbo nshya ya King James itari yajya ahagaragara.

Iyi filimi nto izwi nka short movie mu ndimi z’amahanga ikaba igaragaramo umunyarwenya uzwi nka Babu ndetse n’andi mazina mashya akizamuka muri Cinema nyarwanda.

Zizou Alpacino yavuze ko yinjiye mu byo gukora filime ariko atazakora iz’uruhererekane nkuko benshi bari kubikora muri iyi minsi.

Zizou Al Pacino wemeranya n'abamushinja gushishur - Inyarwanda.com
Zizou Alpacino yinjiye mu gukora Cinema.

Ati “Nzajya ngerageza nkore filime nto ariko irangira, ahubwo mu itaha mpindure ubutumwa bw’iyo nakinnye mu yabanje.”

Zizou Alpacino abajijwe niba iyi ndirimbo ariyo izajya ikoreshwa muri filime ze zose, yavuze ko azajya nabwo ahindura bitewe n’ubutumwa ashaka gutambutsa.

Ati “Izindi zizajya zizana n’indirimbo zazo, iyi ni uko ihuye n’inkuru iri muri iyi filime igaruka ku bwambuzi.”

Yavuze ko filime ye ya mbere agiye gusohora izaba ishingiye ku nkuru y’umuntu uba ushakisha amafaranga akanaguza, yashora agahomba bityo uwamugurije akamumerera nabi.

Zizou Alpacino yavuze ko gukora filime ntaho bizabangamira umuziki yari amenyerewemo, kuko yaba abahanzi bakoranaga bazakomezanya ndetse n’indirimbo ze agakomeza kuzikora nkuko bisanzwe.

Zizou yamenyekanye cyane mu guhuriza abahanzi mu ndirimbo zikanakundwa cyane.

Zimwe mu zo uyu musore yakoze benshi batazibagirwa harimo; Bagupfusha ubusa, Niko nabaye, Vuba vuba n’izindi nyinshi.

Related Articles

Leave a Reply

Your email address will not be published.

Back to top button