UBUKERARUGENDO

Car free zone mu isura nshya

Mu rwego rwo gufasha abagenda mu mujyi wa Kigali rwagati bakabura aho bicara ngo baruhuke bumva amahumbezi mu mujyi aharangwa byinshi mu bikorwa by’ubucuruzi, umujyi wa Kigali ukomeje gahunda yo gushyira intebe rusange mu bice bimwe na bimwe kugirango abantu bajye banahagera baruhuke bumva amahumbezi dore ko ahenshi haba hateye ibiti bitanga umwuka mwiza.

Abagenda mu mujyi rwagati barabyibonera ko hari impinduka zakozwe mu gace kazwi nka Car Free zone bibonera impinduka ziharangwa zirimo kuba harakuwemo kaburimbo kuri ubu hakaba harashyizwemo ama pave akikijwe n’indabo ndetse n’ibiti by’amoko atandukanye birimo n’imikindo.

Umujyi wa Kigali uvuga ko izi ntebe ntawe uzishyuzwa kugirango azicareho kandi ko zigenewe buri muntu wese ugenda mu mujyi haba uwutuyemo cyangwa se utawutuyemo.

Mu byashyizwe muri Car Free Zone harimo Intebe zakwicarwaho abantu bakegama n’izindi zidafite ubwegamiro harimo kandi Internet y’ubuntu ku muntu wese ufite igikoresho kibasha gufata murandasi idakoresha umugozi (wifi).

Hubatswe kandi amazu azajya afasha ushaka amafunguro kuba yayagurira hafi.

Umujyi wa Kigali utangaza ko izi ntebe zitazaguma mu mujyi rwagati dore ko hari umushinga wo kugenda ushyira izi ntebe mu bice bitandukanye by’umujyi nko mu bisambu usanga bipfa ubusa.

Car Free Zone iri mu isura Nshya.
Inzu zizajya zigurirwamo amafunguro
Haba hari internet y’ubuntu kuri buri wese
Isura ya Car Free Zone mu ijoro.
Hateyemo ibiti bitanga umwuka mwiza.

Related Articles

Leave a Reply

Your email address will not be published.

Back to top button