AmakuruIMIKINO

CAN 2023: u Rwanda na Sénégal mu Itsinda rimwe rya L

Kuri uyu wa kabiri tariki 19 Mata 2022 nibwo U Rwanda rwisanze mu Itsinda rya 12 (L) mu Irushanwa ryo gushaka itike izarwerekeza mu Gikombe cya Afurika kizakinwa mu mwaka utaha (CAN 2023), aho ruzahangana n’amakipe arimo Sénégal iherutse kwegukana iki Gikombe.

Uretse Sénégal, u Rwanda ruri kumwe na Mozambique ndetse Bénin aho buri kipe yifuza kuzerekeza muri Côte d’Ivoire ahazabera CAN 2023 kuva ku itariki ya 23 Kamena kugeza ku ya 23 Nyakanga 2023.

U Rwanda ruheruka mu Gikombe cya Afurika mu 2004 aho cyari cyabereye muri Tunisie, hakaba hashize imyaka 18 Amavubi Stars atarongera gusubira muri iryo rushanwa.

Misiri iheruka ku mukino wa nyuma iri mu Itsinda rya Kane (D) aho iri kumwe na Ethiopia, Malawi na Guinée.

Dore uko amakipe ahuriye mu matsinda ateye:

Itsinda 1: São Tomé-et-Príncipe, Guinée-Bissau, Sierra Léone na Nigeria.

Itsinda 2: Eswatini, Togo, Cape Vert na Burkina Faso.

Itsinda 3: U Burundi, Namibie, Kenya na Cameroon.

Itsinda 4: Ethiopia, Malawi, Guinée na Misiri.

Itsinda 5: Centrafrique, Angola, Madagascar na Ghana.

Itsinda 6: Tanzania, Niger, Uganda na Algerie.

Itsinda 7: Sudan y’Epfo, Gambie, Congo Brazzaville na Mali.

Itsinda 8: Lesotho, Ibirwa bya Comores, Zambia na Côte d’Ivoire.

Itsinda 9: Sudan, Mauritanie, Gabon na Repubulika Iharanira Demokarasi ya Congo.

Itsinda 10: Botswana, Libye, Guinée Equatoriale na Tunisie.

Itsinda 11: Liberia, Zimbabwe, Afurika y’Epfo na Maroc.

Itsinda 12: U Rwanda, Mozambique, Bénin na Sénégal.

Yanditswe na Dushimimana Elias

Related Articles

Leave a Reply

Your email address will not be published.

Back to top button