IMIKINO

CAF yanze ubusabe bwa Ferwafa bwo kwemerera abafana ku kibuga

Mu itangazo rigenewe abanyamakuru ryashyizwe ku rukuta rwa Twitter rwa Ferwafa rugaragaza ko impuzamashyirahamwe y’umupira w’amaguru ku mugabane wa Afurika CAF yanze ubusabe bwari bwatanzwe na Ferwafa bwuko abafana bakwitabira umukino uzahuza u Rwanda na Kenya mu gushaka itike yo kujya mu gikombe cy’isi dore ko ayo makipe ahuriye mu itsinda rya Gatanu.

Nyuma yuko ibikorwa by’imikino byari byakomorewe bitewe nuko imibare y’abandura Covid-19 iri kugenda igabanuka nyuma yo gutangira gutanga inkingo ku banyarwanda ku bwinshi byari byitezwe ko abafana nabo bakomorerwa kugirango babashe kuba bakwitabira imikino ku ma stade y’umupira w’amaguru dore ko hashize umwaka n’igice nta mufana wemerewe kwinjira ku kibuga kubera kwirinda ikwirakwira rya Covid-19.

       Caf yanze ubusabe bwa Ferwafa bwo kwemerera                       abafana kwinjira kuri stade.

Nyuma yuko Ferwafa yari imaze kwandikira CAF byarangiye iyihaye igisubizo cyaje atari cyiza aho yasobanuye ko mu isesengura yakoze yasanze Stade ya Kigali imiterere yayo itatanga uburyo buhamye bwo kuba itaba icyambu cya Covid-19 ndetse n’izindi ngamba zo kwirinda zimeze.

Ferwafa kandi ikaba yasoje ishimira abafatanyabikorwa bayo harimo Minisports ndetse n’inzego z’ubuzima ku buryo zari zayibaye inyuma mu busabe bwayo nubwo butigeze bwemerwa ndetse inasezeranya ko izakomeza gukoranira hafi na Fifa na Caf kugirango harebwe uburyo abafana bagaruka ku kibuga kandi ubuzima bwabo bukaguma mu maboko meza.

Amavubi yaraye atsinzwe umukino wa mbere mu ijonjora rya kabiri ryo gushaka itike yerekeza mu gikombe cy’isi kizabera muri Qatar 1-0 na Les Aigles du Mali, ni umukino wabereye mu gihugu cya Maroc kuri Grand Stade d’Agadir azakira Kenya tariki 5 Nzeri kuri Stade ya Kigali iherereye i Nyamirambo.

Related Articles

Leave a Reply

Your email address will not be published.

Back to top button