IMIKINO

AS Kigali yasinyishije Seif

Ku gicamunsi cy’uyu munsi nibwo ikipe ya AS Kigali yatangaje ko yasinyishije umukinnyi mpuzamahanga w’umunyarwanda Niyonzima Olivier Seif wari uherutse gusezererwa n’ikipe ya APR FC imushinja imyitwarire mibi nyuma yuko hari hashize igihe gito imutangaje ko yongereye amasezerano.

Nubwo ntaho byigeze bitangazwa ariko biravugwa ko Seif yaba atanzweho asaga miliyoni 20 z’amafaranga y’u Rwanda nubwo ku ruhande rwa nyirubwite cyangwa se kuri AS Kigali nta ruhande na rumwe rubihamya, uyu mugabo wari umaze imyaka ibiri muri APR FC  yatandukanye nayo mu mpera za Nyakanga imushinja imyitwarire mibi.

                                                           Seif ni umukinnyi wa As Kigali

Byagiye bivugwa ko uyu musore yagiye yifuzwa n’amakipe akomeye harimo na Rayon Sport yahozemo ariko ngo ubuyobozi bwayo butera utwatsi amafaranga yasabaga dore ko bavugaga ko ayo mafaranga ari menshi mu gihe iyo kipe ifite ibibazo by’ubukungu butifashe neza bwatewe n’icyorezo cya Covid-19.

Niyonzima aje muri AS Kigali asanga abandi bakinnyi bakomeye bakina mu kibuga hagati barimo abo bahoze bakinana muri Rayon Sport nka Kakhule Mugheni, Kwizera Pierre uzwi nka Pierrot ndetse na Hussein Chabalala.

As Kigali yabaye iya kabiri muri shampiyona ishize kuri ubu izitabira amarushanwa ya Caf Confederation Cup aho yatomboye ikipe ya OLYMPIQUE DE MISSIRI-SIMA yo mu birwa bya Komore biri mu nyanja y’ubuhindi.

Iyi kipe kandi yinjije abakinnyi benshi batandukanye barimo Haruna Niyonzima, Lamine benomar bavuye muri Yanga Africans yo mu gihugu cya Tanzania harimo kandi umuzamu Ntwari Fiacre wavuye muri APR Fc ndetse na Kakule Mugheni Fabrice wavuye muri AFC Leopard yo mu gihugu cya Kenya ndetse yanazanye abatoza bashya bungirije bari Jimmy Mulisa.

Related Articles

Leave a Reply

Your email address will not be published.

Back to top button