IMIKINO

AS Kigali itsindiye hanze

Ibitego bya Kwizera Pierre uzwi nka Pierrot ndetse na Saba Robert nibyo bihaye ikipe ya AS Kigali intsinzi ya mbere mu mukino ubanza wabereye muri stade Omnisport iherereye i Moroni mu murwa mukuru wa Comoroes mu nyanja y’ubuhindi, ni umukino wabahuzaga na Olympique de Missiri yegukanye igikombe cy’igihugu aho muri Comoroes mu marushanwa ya CAF Confederation Cup ya 2021.

Ni umukino watangiye AS Kigali isatira ndetse inahusha ibitego byinshi ku buryo igice cya mbere cyagombaga kurangira byibuza AS Kigali ifite ibitego nka 3-0 ario amahirwe yabonetse Hussein Shaban uzwi nkaTchabalala ntiyayabyaza umusaruro.

Ku munota wa 15 Kwizera Pierrot yatsinze igitego cyiza kuri coup Franc bituma iyi kipe y’umujyi wa Kigali ikomeza gusatira ishaka ikindi gitego yaje no kubigeraho dore ko Robert Saba baherutse kugura muri Kiyovu Sports ariwe watsinze icyo gitego kugeza iyo minota iyi kipe ihagarariye u Rwanda yari ikiri kwitwara neza ndetse binaboneka ko yanabona icya 3 ariko igice cya mbere kirangira ari 2-0.

                            AS Kigali ikuye intsinzi hanze.

Igice cya kabiri cyatangiranye impinduka zikomeye ku ruhande rwa Olympique De Missiri yatangiye gusatira cyane bia no kuyihira ubwo ku makosa y’abakinnyi ba AS Kigali bakina mu bwugarizi ndetse n’umuzamu Ntwari Fiacre bihita bishyira igitutu kuri AS Kigali.

Byashobokaga ko iyi kipe yo mu birwa yari kubona igitego cyo kwishyura ubwo umuzamu wa AS Kigali yazaga kubura umupira (kuwuswata), ariko myugariro Bishirambona Latif agatabara izamu.
Umukino ukaba waje kurangira AS Kigali itahukanye intsinzi ikomeye iyiha amahirwe menshi yo kwerekeza mu cyiciro gikurikira na mbere yuko bakina umukino wo kwishyura kuko 2-1 ni hanze biba bihagije, niramuka ikuyemo Olympique de Missiri izakurikizaho ikipe ya Daring Club Mote Mapembe yo muri Congo Kinshasa.
Tubibutse ko umukino wo kwishyura uzaba mu cyumweru gitaha kuri stade ya Kigali iherereye i Nyamirambo..

Related Articles

Leave a Reply

Your email address will not be published.

Back to top button