AmakuruIMIKINO

APR FC Yisubije umwanya w’icybahiro mu gihe Kiyovu Sport yanigwaga na Gasogi United

Umunsi wa 23 wa shampiyona wakinwe mu minsi 3 ku 5,6 no ku cyumweru aho ku wa 5 Rutsiro FC yatsinze Etoile de L’Est igitego 1-0, Police FC itsinda Musanze FC igitego 1-0 naho Gasogi United itsinda Kiyovu Sports ibitego 2-0.

Ku wa 6 Marine FC yatsinze Gicumbi FC ibitego 2-1, Mukura itsindwa na Espoir FC ibitego 2-1 naho Gorilla FC itsindwa na Rayon Sports igitego 1-0.

Ku cyumweru habaye imikino ibiri gusa, As Kigali inganya na Etincelles FC igitego 1-1, naho APR FC itsinda Bugesera FC igitego kimwe ku busa.

Rayon Sports yabonye intsinzi yayo ya mbere nyuma y’imikino 4 itabona amanota atatu kuko yaherukaga gutsinda tariki 21 Gashyantare itsinda Bugesera FC igitego kimwe ku busa ku munsi wa 18 wa shampiyona.

Uyu munsi wa 23 wa shampiyona usize Gicumbi FC ahabi kuko ikomeje kugenda biguru ntege mu rugendo rwo kwivana mu myanya ya nyuma itanga itike yo kumanuka mu cyiciro cya kabiri.

Shabani Hussain rutahizamu wa As Kigali akomeje kwanikira abandi bakinnyi bafite ibitego byinshi kuko igitego yaraye atsinze cyatumye yuzuza ibitego 14 ndetse ubu arusha ibitego 4 Nwosu Samuel umukurikiye.

APR FC ubu ni iya mbere n’amanota 51 irusha inota rimwe Kiyovu Sports ifite 50 mu gihe Gicumbi FC ariyo yegekaho urujyi n’amanota 16 irushwa amanota 4 na Etoile de L’Est iri ku mwanya wa 15.

Uyu munsi wa 23 kandi ni wo wabereyeho ubumwe n’ubwiyunge hagati ya Kiyovu Sports na Gasogi United hari hamaze iminsi hari intambara y’amagambo akanshi yasozwaga n’umuyobozi wa Gasogi United, KNC, gusa nyuma yo gutsinda Kiyovu yavuze ko biyunze ubu Kiyovu Sport itakiri mu makipe y’abanzi ba Gasogi United.

Yagize ati: “Juvenal namuhobeye birarangiye, navuze ko ndi bwihorere mu kibuga ubu ndabikoze, ndamuhobeye ndavuga ngo birangirire aha, nta n’ibindi, ubu noneho Kiyovu tuyikuye mu makipe atari mu nshuti zacu, ubu ni inshuti yacu”.

Umunsi wa 24 wa shampiyona uzagaruka tariki 22,23 na 24 Mata ushobora gusiga hari ikipe ishimangiye ko izegukana igikombe cya shampiyona, aho umukino uzaba ukomeye uzahuza Kiyovu Sports na APR FC.

Uyu munsi wa 23 wa shampiyona usize urupfu rutwaye uwari umuzamu wa 3 wa Rutsiro FC nyuma yo gukora impanuka ya Moto

Yanditswe na Dushimimana Elias

Related Articles

Leave a Reply

Your email address will not be published.

Back to top button