AmakuruIMIKINO

APR FC yatsinze Gasogi united mu mukino wa gishuti

Ni umukino wa gishuti wabaye kuri uyu wa kane mu gitondo.Ukaba wabereye I Shyorongi aho ikipe ya APR FC isanzwe ikorera imyitozo kuri sitade yiswe ikirenga.

Uyu mukino waje kurangira ari ibitego 2 bya APR FC kuri 1 cya Gasogi United.Ibitego bya APR FC byatsinzwe na MANISHIMWE Djabel utaritabiriye ubutumire bw’amavubi akina na MALI kuri uyu wa kane saa kumi n’ebyiri ku munota wa 17.

Igitego cya kabiri cya APR FC cyatsinzwe na BYIRINGIRO LAGUE ku munota wa 31.BYIRINGIRO LAGUE akaba yaramaze igihe adakina kubera ikibazo cyo gukomereka mu maso yagize ubwo u Rwanda rwahuraga na Kenya I Kigali ndetse akaba yanakinnye uyu mukino yambaye akarinda mutwe(casque).
Igitego cya Gasogi United cyikaba cyari cyagiyemo ku munota wa 15 gitsinzwe na GHISLAIN Armel.

APR FC yateguye uyu mukino mu rwego rwo kugirango yitegure imikino ifite imbere cyane cyane imikino ibiri ifitanye na RS BERKANE mu ijonjora ribanziriza amatsinda muri CAF Confederation cup mu gihe Gasogi yo irimo kwitegura isubukurwa rya shampiyona.

Mbere yo gukina n’iyi kipe yo muri Maroc,APR biteganyijwe ko izabanza gukina imikino ibiri ya shampiyona aho izahura na Eticelles FC kuwa 19 ugushyingo 2021 ikazakurikizaho umucyeba w’ibihe byose Rayon sports kuwa 24 ugushyingo 2021.

Biteganyijwe ko iyi kipe y’ingabo z’igihugu izakina undi mukino wa gishuti ku cyumweru tariki 14 ugushyingo 2021 aho izakina na Gorilla FC umukino ukazabera kuri sitade ya kigali I Nyamirambo.

Placide Munyanziza

Related Articles

Leave a Reply

Your email address will not be published.

Back to top button