IMIKINO

APR fc yaraye igeze mu Rwanda

Nyuma yo kunganya umukino ubanza n’ikipe ya Mogadishu Fc muri Caf champions League ikipe ya APR Fc yaraye igeze mu Rwanda ndetse ihita ikomereza mu mwiherero aho igomba kwitegura umukino wo kwishyura uzaba mu mpera ziki cyumweru kuri stade ya Kigali i Nyamirambo.

APR FC yakoze urugendo rurerure kugira ngo igere muri Djibouti, yahagurutse mu Rwanda tariki 09 Nzeri saa saba z’ijoro (01h20′) ica i Burundi ibona gukomeza ijya muri Ethiopia ihagera saa kumi n’ebyiri n’iminota mirongo itanu n’itanu za mugitondo (06h55′) iva ku kibuga cy’indege saa satatu n’iminota mirongo itatu (09h30′) igera muri Djibouti saa y’ine n’iminota mirongo itatu n’itanu (10h35′).

Apr fc yaraye igeze mu Rwanda mu kwitegura umukino wo kwishyura.

Ubu APR ikaba igarutse i Kigali nabwo yakoze urundi rugendo rungana n’urwo yari yakoze igenda, ikaba igiye gukomeza kwitegura umikino wo wishyura wa CAF Champions League na Mogadishu City Club ugomba kuba kuri iki Cyumweru tariki 19 Nzeri kuri stade ya Kigali i Nyamirambo.

Iyi kipe y’Ingabo z’igihugu imaze iminsi igarukwaho mu bitangazamakuru bitandukanye byo mu Rwanda biturutse ku byatangajwe na Caf byuko umutoza wayo Adil Erradi Mohammed wagaragaye ku rutonde rw’abadafite ibyangombwa byuzuye bimwemerera gutoza imikino nyafurika dore ko atigeze anagaragara ku ntebe y’abasimbura muri uwo mukino watojwe n’umutoza usanzwe amwungirije.

Related Articles

Leave a Reply

Your email address will not be published.

Back to top button