AmakuruIMIKINO

APR FC ikomeje kugaragariza abanyarwanda umuco w’urukundo, Umutoza Adil na kapiteni Tuyisenge basuye shangazi umukunzi wa APR FC urwaye

Ku mugoroba w'iki cyumweru tariki ya 20 Gashyantare 2022 nibwo mutoza mukuru wa APR FC Adil Erradi Mohammed ari kumwe na kapiteni w’ikipe ya APR F.C Tuyisenge Jacques basuye umubyeyi w'umufana ukomeye w'iyi kipe izwi ku kazina Gitinyiro.

Iki gikorwa kibaye nyuma y’uko hamenyekanye ko uyu mubyeyi Kanzayire Console uzwi ku izina rya Shangazi i wihebeye iyi kipe ya gisirikare amaze igihe arwaye.

Ni igikorwa Umutoza Adil yateguye nyuma yo kumenya ko uyu mukunzi wa APR FC yarwaye akaba yarasanzwe amubona ku kibuga ariko nyuma ntiyongera kumubona, niko kubaririza makuru ye aza kumenya ko yarwaye, nibwo yaje gutegura igikorwa cyo kujya kureba uyu mukunzi wa APR FC.

Nyuma yo kumusura Umutoza Adil Erradi Mohammed yageneye ibahasha uyu mukunzi wa APR FC ndetse anamwizeza n’ubundi bufasha buhoraho.

Kanzayire Console uzwi ku izina rya Shangazi,akaba asanzwe ari umukunzi ukomeye wa APR FC aho abarizwa mu itsinda rya Online Fanclub.

Yanditswe na Dushimimana Elias

Related Articles

Leave a Reply

Your email address will not be published.

Back to top button