IMIKINO

APR FC bigoranye ikuyemo Mogadishu City

Umukino wo kwishyura wa Caf Champions League wahuzaga ikipe ya APR Fc na Mogadishu City Club urangiye APR Fc itsinze ibitego 2-1 bituma ikomeza mu cyiciro gikurikira aho izahura na Etoile du Sahel yo mu gihugu cya Tunisia.

Ni umukino utigeze worohera ikipe ya APR Fc ugitangira kuko yatangiye isatirwa bikomeye na Mogadishu City Club ariko ubwugarizi bwa APR bugerageza kubyitwaramo neza, nubwo bitamaze igihe dore ko ku munota wa 24 Bi Marc wa Mogadishu yafunguye amazamu bishyira igitutu kuri APR Fc dore ko umukino ubanza yariyanganyirije muri Djibouti 0-0.

Apr fc ibashije gukomeza nubwo bitari byoroshye.

Umutoza Adil Muhammed utari wemerewe kwicara ku ntabe y’abasimbura kubera ko adafite ibyangombwa yakoze impinduka mu gice cya kabiri ashyiramo abakinnyi benshi bakiri bato ari nabo bahinduye umukino mu gice cya kabiri abo ni Keddy, Annicet ndetse na Yves Mugunga.

Ku munota wa 53 Manishimwe Djabel yateye ishoti riremereye umupira wisanga mu rushundura biba bibaye 1-1, ariko APR itarizera gukomeza, ntibyatinze kuko ku munota wa 73 Karera Hassan atsinda igitego cyahesheje APR gukomeza mu cyiciro cya kabiri.

Tubibutse ko APR FC izahura na Etoile Sportif du Sahel aho iramutse iyitsinze yahita igera mu mikino y’amatsinda ya Caf Champions League cyangwa se yaramuka isezerewe ikazahita ijya muri Confederation Cup aho ihita ihura n’amakipe yakomeje mu cyiciro cya 2 cya confederation Cup.

 

Related Articles

Leave a Reply

Your email address will not be published.

Back to top button