AmakuruCINEMASHOW BUZZ

AMAFOTO: Filime Nyarwanda yitwa I bwiza Yamurikiwe Mu Nzu y’Igitangaza Canal Olympia ku i Rebero

I BWIZA, ni filime nyarwanda ndende ariko irangira imara iminota 115 yanditswe inayoborwa kubufatanye bwa Nahimana Clemence na Emmanuel Nturanyenabo, amashusho yayo afatwa na Sibomana Gilbert (One Hundred Pixels) yerekanywe kuri uyu wa gatatu, tariki 15 Ukuboza 2021 mu cyumba cya sinema kigezweho Canal Olympia giherereye Rebero.

Uwayoboye Filime IBWIZA Clemence Nahimana uri hagati ndetse n’Uwo bafatanyije Bwana Nturanyenabo Noah Emmanuel

Ni filime iteye amatsiko cyane kuko uwayitangiye ntabona n’umwanya wo kujya hanze kwikiranura n’Umubiri kubera ko buri ntambwe irimo irimo imvumbura matsiko nyinshi cyane,ubona ifite amashusho meza noneho wakongeraho aho yerekaniwe wabonaga wagirango nawe wayinnyemo kuko umuntu wamurebaga wagirango ni indorane live, Mbere y’Uko itangira habanje kumurikwa abayikinnyemo maze bahabwa amashyi y’Urufaya kubera ko uwakoze umurimo wo kubatoranya ubona yarahereye ku ntyoza

Abakinnyi nka Mugisha Emmanuel Aka Kibonge ndetse na Lufonsina bakinana mu Umuturanyi Series bari babukereye

Nahimana Clemence niwe wari umuyobozi wa gahunda akaba ari nawe wayiyoboye afatanyije na mugenzi we usanzwe uyobora amafilime menshi mu kigo cye Teebah Film Production, Nturanyenabo Noah Emmanuel

I Bwiza ni filime ivuga inkuru y’umukobwa Gatoni Maya, ubarizwa muri koperative ikora ibihangano by’ubwoko bwinshi uhangana na Myasiro, umukire ubagurishiriza ibihangano kuko abona abaha amafaranga make.
Urugamba rwo kuvuganira abahanzi, Gatoni Maya arufatanya n’urwo gutunga umuryango we, kwita kuri musaza we no kuvuza nyina.

Uyu mubyeyi azwi nka Mama Zulu nawe agaragara muri Filime nyinshi nawe yayikinnyemo

Iyi filime IBWIZA igaragaza ubwiza bw’u Rwanda, uruhare rw’urubyiruko n’abagore mu iterambere; ni umushinga wa Madame Nahimana Clemence watewe inkunga na Imbuto foundation ifatanyije na UNDP mu mwaka wa 2020 muri gahunda yo kuzahura inganda ndangamuco zagizweho ingaruka n’icyorezo cya Koronavirus (Cultural and Creative industry Recovery Fund).

Igikorwa cyo kumurika filime I BWIZA cyitabiriwe n’intumwa ya Ministeri y’urubyiruko n’umuco Bwana Nyangezi François, ushinjwe iterambere ry’inganda ndangamuco muri iyi Minisiteri. Bwana Nyangezi yashimye ubutumwa bukubiye muri iyi film ndetse anavuga ko bari gukora uko bashoboye kugira ngo abahanzi babone inyungu zivuye mu byo baba bakoze anabwira urubyiruko rwitabiriye iki gikorwa ko biteguye gukomeza gukorana mu rwego rwo guteza imbere uruganda ndangamuco.

Iki gikorwa kandi cyanitabiriwe n’abakunzi ba filime muri rusange nka Mutiganda wa Nkunda uherutse kwegukana igihembo muri FESPACO, Clapton Kibonge umunyarwenya ukunzwe na benshi ku mbuga nkoranyambaga, abagize uruhare mu ikorwa ry’iyi film (abakinnyi n’abatekinisiye), Double C Studio, One 100 Pixels na Teebah Film Village bagize uruhare muri tekinike zo kuyikora.
Nyuma yo kwerekanywa mu gihugu (National Premiere), filime I BWIZA ikomeje urugendo rwo kwitabira amaserukiramuco ya sinema hirya no hino ku isi yerekana filime za Africa.

Reba Trailer yayo hano hasi

Related Articles

Leave a Reply

Your email address will not be published.

Back to top button