POLITIKI

Alpha Conde yanze kwemera kwegura nubwo yahiritswe

Alpha Conde w’imyaka 83 y’amavuko uherutse guhirikwa ku butegetsi na Lt Col Mamady Doumbouya yanze gusinya ko yahiritswe ku butegetsi nubwo kugeza magingo aya ari mu buroko nyuma yo gufatwa n’ingabo zidasanzwe zimukuye iwe mu rugo mu ngoro ya Sekou Yaya Toure Palais.

Uyu mukambwe wagiye ku butegetsi mu mwaka wa 2010 nyuma y’urupfu rwa Lamssana Comte wari umaze igihe kinini nawe ategeka Guinne Conakry,habanje kunyuramo igihe kigoye cya Captaine Mussa Dadis Camara wigaruriye ubutegetsi mu gihe gisaga umwaka.

Nyuma yo kwegura ndetse agahunga igihugu nibwo mu gihugu habaye amatora atsindwa na Alpha Conde; mu kugera ku butegetsi yari yasezeranije ko atazigera atsimbarara ku butegetsi ndetse azakora ibishoboka byose igihugu kikagendera ku mategeko ariko yaje guhindura imvugo ubwo mu mwaka wa 2020 yaje gushyira igitutu ku nteko ishinga amategeko maze hagahindurwa ingingo yamukumiraga kugirango ataziyamamaza mu matora yabaye umwaka ushize.

Kubera imvururu zari zimaze igihe ziherekejwe n’imyigaragambyo yamaganaga ubutegetsi bwe nibwo itsinda ry’ingabo ridasanzwe (GPS) ryafashe umwanzuro wo kumuhirika,kugeza ubu aho afungiye biravugwa ko yanze gusinya ko yeguye ku butegetsi.

            Amashusho yanyuze ku mbuga nkoranyambaga nyuma yo gufatwa n’igisirikari.

Aho afungiye hari urugendo rw’iminota itanu uvuye mu kigo cya gisirikare cy’ahitwa Samory Touré ahakorera Minisiteri y’Ingabo n’ikilometero kimwe uvuye ku ngoro y’Umukuru w’Igihugu.

Iyi nzu yuzuye mbere gato y’amatora y’umukuru w’igihugu yo mu 2020, yasize Alpha Condé yegukanye intsinzi.

Kugeza ubu Alpha Condé utemerewe kubonana n’abantu bo hanze ndetse akaba atanemerewe kuvugira kuri telefone zigera kuri eshanu yari afite, yabashije kubonana n’umuganga umuvura, umunsi umwe nyuma yo guhirikwa ku butegetsi.

Ku itariki ya 6 NzeLi, Perezida wa Côte d’Ivoire, Alassane Ouattara, yagiranye ikiganiro kuri telefone na Mamady Doumbouya, amwihanangiriza ko umuryango CEDEAO ikurikiranira hafi ubuzima Alpha Condé abayemo.

Amakuru atangazwa kugeza ubu ni uko Alpha Condé yanze gusinya ko yeguye.
Ikindi ni uko yanze amafunguro agenerwa n’abamuhiritse ku butegetsi ahubwo agashaka ayo ategurirwa n’uwahoze ari umunyagikoni we ku giti cye ukomoka muri Togo nubwo atabyemerewe.

Col Mamady Doumbouya, aherutse guhamagara abaminisitiri bose abasaba gutanga pasiporo zabo ndetse n’imodoka z’akazi.

Related Articles

Leave a Reply

Your email address will not be published.

Back to top button