MU MAHANGAPOLITIKI

Abatalibani basubijeho itegeko ryemerera abagore gukora

Minisitiri w’ubucamanza muri leta nshya ya Afghanistan iyobowe n’abataliban yatangaje ko igihugu cyafashe umwanzuro wo gusubizaho itegeko riha abagore bumwe mu burenganzira bari barabujijwe ariko bikajyaho mu gihe cy’agateganyo kugirango barebe niba babasha kugendana naho ibihe bigeze.

Emirate ya kisilamu ya Afghanistan itangaza ko aya mategeko naramuka agaragayeho kubangamira amategeko ya sharia azahita akurwaho nkuko byatangajwe na Mahlawi Abdoul Hakim Sharee ushinzwe ubutabera mu butegetsi bw’abatalibani.

Mu binyacumi bijya gusaga 60 bishize nibwo ibihugu by’ibihangange ku isi byarwaniye muri Afghanistan bituma amategeko yari yarashyizweho n’umwami Muhammad Shah Zahir.

                     Abataliban basubiye ku butegetsi mu kwezi kwa Munani.

Itegekonshinga ryo mu 1964, ryahaye abagore uburenganzira bwo gutora ku nshuro yabo ya mbere kandi rikingura amarembo kugira ngo barusheho kugira uruhare muri politiki, ibintu bisa nkaho  bidahuye n’ibitekerezo by’abatalibani.

Iri tsinda ry’abatalibani  ryongeye  kugera ku butegetsi hagati muri Kanama uyu mwaka, ryiyemeje koroshya uburyo bw’imitegekere  yabo bakareka ibikorwa bya kinyamanswa byabaranze mu  1996 kugeza 2001, igihe abagore bakwaga bwinshi mu burenganzira bw’ibanze burimo kwiga, gukora politiki ndetse n’ibindi.

Ariko igihe berekanaga guverinoma yabo y’agateganyo mu ntangiriro z’uku kwezi, imyanya yose yo hejuru yagiye ihabwa abahezanguni bagendera ku matwara akomeye ya Sharia  kandi nta bagore bari muri ubwo butegetsi.

Afghanisitan yigeze kwigarurirwa n’ubutegetsi bw’Abasoviyeti mu myaka ya za 1980, ikurikirwa n’intambara zahanganishaga  abenegihugu ndetse n’ubutegetsi  bw’abatalibani, Afghanisitan yongeye gushyiraho itegeko nshinga nyuma y’igitero cyagabwe na Amerika mu 2001.

Ariko yahisemo kutagarura ubwami bwa kera, yemeza ahubwo itegeko nshinga  rishya mu 2004 ryateganyaga ko hajyaho perezida kandi igashyiraho uburenganzira bungana ku bantu bose.

Related Articles

Leave a Reply

Your email address will not be published.

Back to top button