POLITIKI

Abantu 160 bamaze kwicwa n’inzara muri Tigray: TPLF

Byibura abantu 160 nibo bamaze guhitanwa n’inzara mu gace ka Tigray muri Ethiopia mu gihe hakomeje kurangwa umutekano muke kuva aho inyeshyamba za TPLF zatangazaga ko zishaka kwigenga ndetse no kwiyobora ni intambara imaze kugwamo benshi batazwi umubare nkuko AP ibitangaza.

Izi nizo mpfu za mbere zitangajwe na TPLF kuva aho ingabo zayo zigaruriye byinshi mu bice bya Tigray bizikuye mu maboko y’ingabo za leta muri Kamena uyu mwaka, gusa nta mibare y’imiryango itagize aho ibogamiye yari yatangazwa.

Umuryango w’abibumbye uherutse gutangaza ko kubera intambara iri muri ako gace abaturage basaga ibihumbi 400 babayeho mu nzara ikomeye ishamikiye kuri iyo mirwano ndetse ko n’imfashanyo itabasha kugera ku bayikeneye kubera imbogamizi zirimo n’iy’umutekano muke muri ako gace.

Kugeza ubu ntacyo leta ya Ethiopia irasubiza kuri ibi byatangajwe na TPLF, gusa bamwe mu bari muri Tigray bavuga ko abasaga miliyoni 5.2 bagize 90% by’abatuye agace ka Tigray bakeneye inkunga ku buryo bwihutirwa cyane.

                                    Tigray ikomeje kurangwamo intambara kuva mu kwa 11 2020.

TPLF na leta ya  Minisitiri w’intebe Abiy Ahmed bigeze kuba abafatanyabikorwa muri guverinoma, ariko baza gushwana bitewe  n’amavugurura ya politiki, bituma havuka intambara yahitanye abantu ibihumbi n’abimuwe kuva mu Gushyingo 2020.

Muri Kamena, inyeshyamba zafashe igice kinini cy’akarere, harimo n’umurwa mukuru w’agace ka Tigray Mekelle, nyuma yo gutakaza igice kinini cyazo mu ntangiriro z’intambara kakajya mu maboko y’ingabo za leta.

TPLF ivuga ko ari guverinoma yemewe ya Tigray,nyuma yo gutangaza ko  yatsinze amatora yo muri ako karere mu 2020. gusa leta ya Etiyopiya yamaganye ayo matora ndetse kuri ubu ikaba ifata TPLF nk’umutwe w’iterabwoba.

 

Related Articles

Leave a Reply

Your email address will not be published.

Back to top button