IMIKINO

Abakinnyi bazahatanira Ballon d’or bamaze kumenyekana

Ikinyamakuru France Football gisanzwe gitanga igihembo ngarukamwaka cya Ballon d’or gihabwa umukinnyi wabaye indashyikirwa muri ruhago, ni urutonde rw’ibanze rw’abakinnyi bagera kuri 30 ku ruhande rw’abagabo ndetse n’abagore.

Ikipe ya Chelsea na Manchester City nizo zifite abakinnyi benshi muri urwo rutonde dore ko zifite abakinnyi batanu batanu dore ko arizo zanakinnye umukino wa nyuma wa Uefa Champions League wabereye Porto mu gihugu cya Portugal.

Mu bakinnyi bari kuri uru rutonde hari abafite amahirwe kurenza abandi nka Jorginho ufite inkomoko mu gihugu cya Brazil ariko akaba akinira ubutaliyani dore ko ari nawe wegukanye igihembo cy’umukinnyi w’umwaka wa Uefa ndetse akaba yaranegukanye igikombe cy’ubulayi.

Image
Jorginho ari mu ba mbere bahabwa amahirwe yo kwegukana Ballon d’or

Undi uhabwa amahirwe ni N’golo Kante umufaransa nawe ukinira Chelsea usanga na benshi ari we baha amahirwe ariko na none kuba ubufaransa butaritwaye neza mu gikombe cy’ubulayi nabyo ni inzitizi ariko kuba na none igihembo gitangwa na France Football bishobora kumuhesha andi mahirwe.

Ku ruhande rw’abagore naho harimo abakinnyi benshi batandukanye ariko biganjemo abakina muri Barcelona na Chelsea z’abagore dore ko arizo zakinnye final ya Uefa Women Champions League aho yaje kwegukanwa na Barcelona WFC.

Related Articles

Leave a Reply

Your email address will not be published.

Back to top button