IMIKINO

Demba Ba yasezeye ruhago

Uyu mugabo w’imyaka 36 ukomoka mu gihugu cya Senegal yaraye atangaje ko yasezee kuri ruhago nyuma yo gukina mu makipe menshi atandukanye mu bihugu bigera kuri bitanu byo ku mugabane w’i Bulayi mu gihe gisaga imyaka 15 dore ko yatangiye gukina ruhago nk’uwabigize umwuga mu 2006 mu ikipe ya FC Rouen yo mu gihugu cy’ubufaransa.

Demba Ba yari amaze ukwezi nta kipe afite nyuma yo gutandukana na FC Lugano yo mu gihugu cy’ubusuwisi muri Kanama uyu mwaka, uyu mugabo usanzwe ari umuislam cyane yavukiye mu gihugu cy’ubufaransa ku babyeyi bombi bakomoka muri Senegal.

Demba Ba yakiniye amakipe atandukanye arimo na Chelsea Fc.

Mu 2007 yerekeje gukina mu ikipe ya TSG Hoffenheim yakinaga mu cyiciro cya kabiri mu budage ndetse ayifasha kwitwara neza irazamuka mu cyiciro cya mbere mu mwaka wa 2008, nyuma aza kuyivamo yerekeza mu gihugu cy’ubwongereza mu ikipe ya Westham atigeze atindamo dore ko nyuma y’amezi atandatu yaje guhita agurwa na Newcastle United ari naho yaje kumenyekanira cyane igihe yakinanaga na mwene wabo Demba Pappy Cisse bakabasha kugeza Newcastle mu mikino yo ku mugabane w’i Bulayi dore ko yabaye iya gatanu.

Demba Ba yaje kwerekeza mu ikipe ya Chelsea ayimaramo umwaka n’igice mbere yo kwerekeza mu ikipe ya Beskitas Istanbul yo muri Turkey yafashije kwegukana igikombe cya shampiyona ubugira kabiri nyuma aza kwerekeza mu ikipe ya Shanghai Shenua yo mu bushinwa aho yanagiriye imvune ikomeye aza kugaruka muri Turkey mu mwaka wa 2019 mu ikipe ya İstanbul Başakşehir ari naho yongeye kwigaragaza ku mukino iyo kipe yarimo ikina ya Paris Saint Germain hakaza kubamo ikibazo cy’umusifuzi waketsweho irondaruhu.

Demba Ba asoje gukina umupira w’amaguru atsinze muri rusange ibitego 181 harimo ibitego 29 yatsindiye ikipe ya Newcastle United wavuga ko ari nayo yagiriyemo ibihe byiza kurenza ahandi hose naho ikipe ye y’igihugu les Lions de la Teranga ( Senegal) yayitsindiye ibitego bitatu gusa mu mikino 22 yayikiniye.

 

Related Articles

Leave a Reply

Your email address will not be published.

Back to top button